Na Dredre Namaki
- Na tamata sega ni vakadonui – okati kina na dau basu lawa – rawata na nomu akaude ni baqe ena nodra kunea se kilakila mada na veika matailalai ni nomu curu.
- Na nomu itukutuku maroroi kei na nomu cakacaka e rawa ni takosovi kevaka e sega ni taqomaki na Wi-Fi.
- ‘Ulabaleta na taba vakaseua’- ira na tamata era sarava tiko na veika ko cakava tiko ena initaneti, ena tabamu se mai na CCTV.
- Yali se butakoci na nomu misini lalai veikauyaki, ka rawa ni tiko se dolava rawa na akaude ni baqe kei na itukutuku taqomaki.
- Vakalialia na veisiko kei na veidabui ena veiqaravi ni mataveilawa, se vakamatavulo ni lavetaki ni apps veiqaravi ni baqe.
- Ni vakauqeti me vakatakilai na veika matailalai baleti iko kivei ira na qiriqiri mai na nomu baqe se ko ira na ovisa, ka tukuna vei iko ni tiko e dua na leqa ena nomu akaude.
Taqomaki ni Veiqaravi veikauyaki
- Raica me dau taqomaki tu ga na nomu talevoni se tebeleti ena dua na PIN e dredre me laurai. Kakua ni vakaraitaka na nomu PIN vua e dua, se vola se maroroya ena vanua e rawa ni kunei kina.
- Me vaka na veiqaravi ena initaneti mai na dua na komupiuta, digitaka, vakayagataka ka taqomaka na vosanicuru, ka taqomaki ena dua na vosa ni veimaroroi cecere.
- Qarauna mo kakua ni biuta vakaca tu na nomu misini, biu se maroroi ena dua na vanua e sega ni taqomaki. Lavetaka e dua na app ka na rawa kina vei iko mo bokoca na nomu itukutuku vakai iko, se me dolavi na ivalavala oqo kevaka e tiko ena nomu misini.
- Maroroya na veiqaravi baqe kei na apps tale eso ena nomu misini lalai ka me dau vakavoui.
- Dau sogota na nomu veiqaravi ni app se mataveilawa veikauyaki ni sa oti na nomu vakayagataka. Sogota na tabana ni app se tabana ni mataveilawa se na bokoca na nomu misini lalai ena sega beka ni rauta.
- Kakua ni vakayagataka na Wi-Fi sega ni taqomaki ena veitaratara me baleta na veiqaravi ni baqe, volivoli se raica na nomu imeli livaliva. Ena veivanua raraba, e dredre sara me da tukuna kevaka e sega ni taqomaki e dua na hotspot se sega, ka sa dau sega ni vinaka sara me vakayagataki. E vinaka cake me da vakayagataka e dua na isema 3G se 4G ena Initaneti, kevaka sara mada ga e berabera.
- Dau qarauna ena lavetaki ni apps: raica me ra tiko mai na dua na sitoa ni ka vakadonui ka raica na kena railesuvi kei na vakatutu. E udolu vakaudolu na naki ca ena apps ni veiqaravi ni baqe ka veitosoyaki tu, vakabibi me baleta na misini ni Android, e lavetaki sara mada ga mai na sitoa ni app.
- Lavetaka, vakayagataka ka maroroya e dua vei ira na initaneti apps dina me baleta na nomu misini lalai.
- Raica na vanua ni tataqomaki ni nomu misini lalai me vakadeitaki kina na veitaqomaki e levu cake.
- Raica ni sa dei tu na nomu app veikauyaki ni baqe me baleta na kena taqomaki. Raica na nodra mataveilawa me baleta na nodra dui itukutuku tabaki ena ivakarau ni nodra cakava oqo. Raica talega na nodra rai na app tale eso ena nodra vakasaqaqara ena initaneti.
- Wilika na ivakarau kei na I tuvatuva ni nomu baqe me baleta na veiqaravi veikauyaki. Mo raica ni ko sa kila na nomu itavi, kei na nodra ko ira na nomu baqe.
- Ena app, raica ka vakayagataka na itukutuku vakacurumi (text) me vakau ena veigauna kece e caka kina na veitosoyaki ni lavo ena nomu akaude. Oqo ena vakaraitaka na lawakica ni vakayagataki ilavo mai vei ira na daubutako ena gauna ga era yaco yani kina.
- Qarauna na imeli livaliva, na talevoni e kaya ni lako mai na nomu baqe se o ira na ovisa era kaya tiko ni dua na leqa ena nomu akaude ka kerea na nomu curu se so tale na itukutuku taqomaki. Na nomu baqe se so tale na isoqosoqo dina ena sega ni kerea na veika matailalai oqo.
Kevaka ko coko e dua na ka e tovolea me lawakitaki iko.
- Veitaratara vakatotolo kina nomu baqe
- Ripotetaka vei ira na ovisa