- E sega vakadua ni sa bera me da vakadeitaka na iyalayala… e rawa ni nanuma na luvemu ni ra sa qase cake, ia era gadreva dina sara na nomu vuku kei na veituberi.
- E rawa ni o nanuma ni kila vakalevu cake na luvemu na vakayagataki ni veika vakalivaliva mai vei iko, ka o rairai dodonu. Cakava me nomu bisinisi me dau maroroya ka veivosakitaka na veika o kila kei luvemu.
- Tukuna dina sara vua na luvemu na veika me baleta na ivakarau ni nodra vakadikeva na veika e baleta na bula, Wellbeing, na ituvaki ni yago kei na veimoceri vakai ira kei ira tale eso ena initaneti. E rawa ni ra raica na itukutuku sega ni dodonu se veika rerevaki ena initaneti ena gauna era rawai rawarawa kina na nodra bula.
- Railesuva na vanua e tiko kina na ivakarau ni vakatulewa ni itubutubu me veidonui kei na nona yabaki ni bula na luvemu ka moica kevaka e ganita. Era na rairai kerei iko beka mo nuitaki ira me rawa ni ra bokoca taucoko, ia mo vakasamataka vakavinaka ni bera ni o cakava ka duavata kina eliu ena ivakarau me vakadonui ena vakayagataki ni initaneti.
- Mo vosa sara talega vei luvemu me baleta na ivakarau ni nodra itovo vei ira na tani, vakabibi na veika era vakauta ena initaneti. Mo tu vakarau mo dau veivosaki vakadodonu me baleta na veibiliraki, kei na vakacurumi ena mataveilawa na veika vakamosiyalo, veivakacalai se lasulasu. Cakava me ra kila na rerevaki ni itovo me vaka na itukutuku vakacurumi ni veimaliwai veivolekati kei na vakayagataki vakatani ni webcams
- Solia vua na luvemu na lewa ni nodra ilavo vakarau me baleta na itavi qaravi me vaka na lavetaki apps kei na ivakatagi, ia mo vakadonuya taumada na iyalayala me rawa ni ra qarava kina na nodra ilavo vakayagataki. Kakua ni solia vei iratou na nomu kadi ni sausaumi se na veika vakailavo tale eso.
- Mo vakamatatataka ena nomu vakasama na veika me vakataka na taqomaki vakalawa (copyright) kei na vakayagataki ni nona cakacaka edua me nomu (plagiarism) me rawa ni o vakamacalataka vua na luvemu na veika e vakalawa kei na ka e sega.
- Kevaka e tiko vei luvemu na kila-ka vakalivaliva – ena vei vakayarayarataki mai vei ira tale eso – e rawa ni ra rawai me ra vakatovotovotaka na tauri itukutuku maroroi mai na nodra mataveilawa na tamata se isoqosoqo tale eso. Na basuki ni komupiuta ena kedra maliwa na ilawalawa ni yabaki oqo e sega sara ga ni dau yaco, ia e tiko kina. Vakamacalataka na veika rerevaki kei na kena revurevu.
Oqo eso na taro mo na veivosakitaka vata kei ira na luvemu, oqo ni ra sa qase cake:
- O kila dina tiko na tamata kece ena nomu lisi ni ‘itokani’?
- O kila beka na kena vakayagataki ka tuvanaki na vanua ni tataqomaki kei na veitaqomaki? E rawa beka ni o vakaraitaka vei au na kena icakacaka?
- O dau taura beka na itukutuku mai vei ira na vulagi? Ke vakakina, o na tarai ira vakacava?
- O kila beka e dua sa tuva na ituvatuva me sotava e dua ena taudaku ni initaneti ka ra se qai vosa ga vua ena initaneti?
- Era dau yaloca beka na tamata ena nomu ilawalawa ni itokani, se vei ira eso tale na tamata, ena Initaneti se ena talevoni? Ke vakakina, na cava era kaya? E dua beka e sa bau yaloca vei iko? O na rawa beka ni tukuna vei au kevaka e vakakina?
- E dua beka e tiko ena nomu koronivuli, se dua tale o kila, e sa taura se vakacuruma na itaba ni veimaliwai veivolekati ka vakauti ira ki na so tale na tamata, se ciqoma na itaba vakaoqo?