- Ena komupiuta kei na veika misini lalai tale eso e rawa ni raica na luvemu, tuvanaka na ivakarau me veiganiti ki na yabaki donu, ka rawa ni ra curu ki na veika e loma ka veiganiti.
- Volia se lavetaka na parokaramu vakatulewa ni itubutubu (parental control), dolava ka vakavoutaka tiko. E vuqa tu na ilavelave ena makete, ka ra cakacaka ena veisala duidui eso ka ra tu ena duidui ni isau, tekivu ena kena e soli walega.
- Eso na dausoli veiqaravi ena initaneti (ISPs) era solia na nodra parokaramu ni vakatulewa na itubutubu me soli wale ka vakayagataki ena dua ga na gauna. Raica mada oqori ka vakayagataka.
- Vakadonuya e dua na lisi ni mataveilawa e vakatarai vua na luvemu me sikova kei na mataqali itukutuku yadua e sega ni dodonu me vakatakilai me baleti ira ena initaneti, me vaka na yaca ni nodra koronivuli se nodra itikotiko.
- Vakarautaka na gauna me baleta na itavi qaravi me vaka na kena vakayagataki na misini lalai ni qito ena initaneti.
- Me vakadeitaki na laurai ni yabaki nei na luvemu me veiganiti ena yabaki ni veika e raica ena na qito, initaneti, yaloyalo kei na apps.
- Veivosakitaka vata kei ira na luvemu qase cake ena veika e dodonu me ra raica kei ira se sega ni dodonu me ra raica kei ira na tacidra gone ena initaneti, misini lalai veikauyaki, misini lalai ni qito kei na misini lalai tale eso.
- Veivosakitaka kei ira na vo ni itubutubu na ulutaga eso me vaka na yabaki ni bula me voli kina na misini lalai eso ni gone e sema ki na initaneti.
- Kakua ni vakaukauwataki mai vua na luvemu me vakayagataka eso na veika vakalivaliva se raica eso na veika ena initaneti, kevaka o sega ni vakabauta ni ra sa qase se matua mera sarava … se cava ga na levu ni nodra cikecike vei iko se na cava era vakatara na nodra itubutubu nei nodra itokani.
English
