E sega ni vakadeitaki ni sa na sega tale ni caka ena gauna sa sotavi kina na ka e gadrevi ena veivakarerei, ena sega tale dua na ka ena gadrevi, se me na sega ni biuta na dau lawaki na iyaloyalo yavala koya. Na revurevu e rawa ni yaco mai na madua kei na veivakalolovirataki kei na kena e levu sara na nona vakamavoataki koya ka kauta nona bula ko koya e sotava tiko qori. Na tagane kei na yalewa ni yabaki ni bula cava ga, ena vanua cava ga, e rawa ni yaco me ra vakaleqai.
Me vaka ni dau yavutaki na itaba veivakarerei ena initaneti e na veivanua tani, e dredre sara me da raica na vanua e lako mai kina ka dredre na nodra vesuki.
Na Dredre Namaki
- Ni bucini e dua na veimaliwai ena Initaneti ka ni sa oti edua na gauna ni veikilai vinaka kei na vei vakalevutaki, ka sa kerei mo kauta laivi na nomu isulu kei na/se cakava na cakacaka ni veiyacovi ena nomu itaba ni initaneti. Na nomu cauravou ena komupiuta se itau e dina ni dua na dau basulawa se dau butako lawakica ka cakacaka duadua.
- Ko na kauta laivi na nomu isulu me vaka e dua na ‘veivakaturi ‘ vei ira na itokani, se mo vakarerei ga mai vei ira era kilai iko, kevaka e lutu na iyaloyalo yavala se itaba ki na liga cala.
- E rawa ni ko ciqoma na lewa me baleta na ilavo kevaka ko sega ni muria, kei na/se na dau veivakarerei e rawa ni talia na ituvaki ka ripotetaki iko vei ira na dauveqaravi, me kena ivakaraitaki, na veivakaqoroqori se cala ni veiyacovi kei ira na gone.
Levea na itaba ni initaneti veivakarerei
- Kakua ni uqeti ena ituvaki ni lawakica me basu lawa me vaka na kena kau laivi na isulu se vakayacori na cakacaka ni veiyacovi ena initaneti. Ko na sega ni kila se ko cei ena raica na iyaloyalo.
- Dau nanuma tiko ni veika e yaco tiko ena initaneti ena rawa ni tiko ga ena initaneti.
- Dau qarauna se ko cei ko sureta se ciqoma na veisureti mai na vanua ni veikilai raraba. Kakua ni vakadonuya na kerekere ni veitokani mai vei ira na vulagi vei iko … ko na sega ni cakava oqo ena bula ena veisiga.
- Vakavouya na vanua ni itataqomaki ena nomu akaude ni veitaratara ni veimaliwai me rawa kina vei ira na tamata ko kila ni ra na raica na nomu akaude.
- Kakua ni okata e dua na itukutuku ririkotaki se itukutuku maroroi
- Kevaka ko vakayagataka na vanua ni veigadivi ena initaneti, digitaka ko ira era solia ena meli livaliva na nodra vakayagataka e dua na veiqaravi ka tabonaka ruarua na nodrau itikotiko dina ni imeli llivaliva.
- Ena vanua talega ni veigadivi, vakaduria e dua tale na akaude ni imeli livaliva duidui ka sega ni vakayagataka na yacamu dina. Oqo e rawarawa sara ka totolo na kena vakayagataki na tabana ni veiqaravi mevaka na Hotmail, Yahoo! imeli se gmail.
- Sogota tani vakatotolo na veivakasosataki kei na vakakidacala era vakayagataka mai na nomu veitaratara tale eso ka ripotetaka talega na veivakacacani.
- Kevaka o sa yaco mo coko na mataqali lawakica vakaoqo, kakua ni sauma na gagadre ni veivakarerei, ia mo ripotetaka na kedra ilavelave vei ira na ovisa kei na vanua ni veikilai e veiganiti.
- Kevaka ko nanuma ni ko sa vakauqeti mai vua e dua me vakaitavi ena veika matailalai ni sausaumi, veitaratara vakatotolo ki na nomu baqe se tabana ni kadi.