Na dredre namaki
E vuqa na mataveilawa dina ni cakacaka era vakaraica vinaka na itavi era qarava ni bera ni qai caka e dua na kena ituvatuva taucoko vakaivola. Ia, ena so na vanua, e lailai se sega ni dua na ivakadinadina ni veika e sotavi, na kila ka se veika e gadrevi mai na dau ni cakacaka/kabani. Ia, na veika kece e gadrevi e sa saumi ena dua na icurucuru. Ena so na gauna, sa dau vakavosa walega na nodra railesu na kasitama. Ni ko vakabauta ni ko sa veitaratara tiko kei na dua na kena dau, ena rawa ni yaco oqo ena:
- akacaka e sega ni yacova na vakatagedegede namaki.
- Na cakacaka e rerevaki.
- Na cakacaka e sega ni vakadeitaki, se sega na yaga ka beci na veivakadeitaki, ka vakavuna me vakalailaitaki na yaga ni nomu iyau.
- Tamata dau ni cakacaka ka sega kina na inisua vakalawa raraba, na inisua ni veika e baleti ira kei na veika vakalawa ni itaukei ni cakacaka (ena vanua e veiganiti kina).
- Na saumi vakasivia mai na kena e yalataki ena i vakatautauvata ena makete me baleta na cakacaka.
- Na lawakica ni dau cakacaka ka kerea e liu na sausaumi – me baleta na ivola – me baleta ga na lawaki me totolo na soli mai ni ilavo.
Taqomaki iko – kei na nomu iyau
- Ni bera ni vakayacori e dua na veivakadeitaki kei na dau ni cakacaka, vakasaqaqara ena initaneti me baleta na railesu vinaka kei na kena ca (sega walega ni mataveilawa ni cakacaka ka vakatututaki).
- Sota vata kei na tamata mo veivosakitaka na cakacaka, ena nomu vale se na vanua tale eso me na caka kina.
- Raica me tu vakarau na tamata dau ni cakacaka me vakarautaka na itukutuku kei na naba ni talevoni ni nodra vale se bisinisi, ka raica ni sa dina.
- Vakadeitaka ni kila vinaka tu na tamata dau ni cakacaka /kabani ko cakacaka vata kaya ni tiko na kilaka ni cakacaka ko vinakata, kei na maqosa ko gadreva.
- Me volai taumada na ituvatuva vakacaca ni cakacaka me caka me qai vakasalataki na tamata dau ni cakacaka me toso.
- Kevaka ko cakava e dua na sausaumi taumada, raica me na taipataki se volai e dua na risiti, me tukuna na levu ni ilavo e saumi kei na veika ena vakayagataki kina.
- Me vakadeitaka talega ni ko taura e dua na risiti me baleta na iotioti ni sausaumi, se na sausaumi taucoko kevaka e sa vakacavari na ka oqo.
- Eso na dau butako lawaki era vakauti ira na tamata ki na baqe me ra kauta mai na ilavo levu me baleta na veika era vakabauta ni sausaumi taumada. Kevaka e yaco oqo vei iko, vakasalataka e dua na nomu lewe ni koro se kaivata, se vakamatatataka vua e dua na tamata cakacaka ni baqe ni ko tiko e loma ni veivakarerei.