E dodonu mo kila tiko ni kevaka ko vakauta na nomu ilavo peniseni ki na dua na tabana ni veiqaravi ni peniseni sega ni vakalawa se coriti vagolei ni lavo lawakitaki, sa na rawa ni ko vakayalia e dua na ilavo levu, kevaka e sega ni nomu ilavo peniseni kece , ka vakakina na kena saumi ni veika me tekivu kina. Na tamata lawakica ka butakoci ira na peniseni era sa vuku sara ka vereverea; era vakayagataka e vica na iwalewale me rawa taura ena ligadra na nomu ilavo. Ia e levu tu na italanoa vakaloloma ena rawa ni vukei iko mo raica e dua na dau lawaki kei na ivalavala e rawa ni ko vakayagataka mo taqomaki iko mai kina.
Na sala me kilai kina na lawakica
E dodonu mo qarauna kevaka:
- Ko ciqoma na talevoni sega ni kerei se namaki, ena imeli livaliva se itukutuku vakacurumi se mai na dua e tukituki ena mata ni katuba.
- ko na ciqoma na veika me baleta na raici ni nomu peniseni ni bera na yabaki dodonu.
- ko na ciqoma na nomu solia na nomu iilavo ki na dua na matanitu tani, me vakadeitaki lesu mai na 8% se levu cake.
- ko na ciqoma na kena soli se tukuni na ‘dua na vakacuru ilavo’, ka na solia mai na kena gauna, soli mada eliu na ilavo idole vinaka, ‘railesu soli wale’, ‘levei na veika vakalawa ‘se’ veivukei ni matanitu.
- ko sa kerei mo vakarautaka na nomu naba ni talevoni kei na nomu itikotiko kei na/se nomu itukutuku vakailavo, ni ko sa qai vakataroga tiko na ivoli ena soli yani.
- O sa vakasaurarataki mo vakatotolotaka na vakauti ni sausaumi, ena vakayagataki ni dua na veiqaravi ni dau vakau iyaya vakai koya se dua na tamata ka dau vakaukauwataka na sausaumi.
- E sega ni soli vei iko na ivolatukutuku, ka sega na kena i vakamacala.
- Sa vakarautaki tu vei iko na iyaya totoka ni volivolitaki, ia na veika matailalai me baleta na dau ni vakasala se kabani e vakarautaka na isolisoli e sega ni matata.
*Ena so na gauna -ena tauvimate- rawa kina me tauri na ilavo ni bera na yabaki ni nomu peniseni.
Yadravi ni peniseni veilawakitaki
- Kakua ni vakaraitaka na itukutuku vakailavo se itukutuku ni tamata yadua ki na dua na dau kacikaci batabata, se me saumi e dua na imeli livaliva se itukutuku vakacurumi.
- Taura e levu na itukutuku e rawa ni ko rawata me baleta na veika itukutuku ni kabani – tovolea taumada na Initaneti, ia mo qarauna na mataveilawa flashy.
- Kevaka ko sega ni vakadeitaka e dua na ka ko sa ciqoma se kevaka e dua na ka e sega ni dodonu, vakasaqara na ivakasala vei ira na kena dau.
- Kakua ni vakusakusataki, vakasaurarataki se vakaukauwataki mo vakatulewa ena nomu peniseni.
- Taura na nomu gauna ka dikeva ni bera ni ko toso tale.
Kevaka ko kacivi batabata ka siqema ni lawakica.
- Ripotetaka vei ira na ovisa.
Kevaka ko nanuma ni ko coko e dua na lawakicataki ni peniseni
- Veitaratara kei na tabana veiqaravi ni peniseni ko sa tokitaki mai kina ena gauna ko ya ena rawa ni ra tarova na kena vakadewataki kevaka e se bera ni oti.
- Ripotetaka vei ira na ovisa.