Na fika ni vakadidike era rawata na Get Safe Online- Veitaqomaki ena Initaneti (GSO) e vakatura na iwiliwili oqo me baleti ira na itubutubu kei na nodra qito na luvedra ena initaneti:
- 51% leqataka na nodra taqomaki na luvedra
- 37% era vakila ni sega ni ra lewai ira rawa na luvedra ena qito ena initaneti.
- 24% era sega tu ni kila na veika dredre ni veitaqomaki vei ira na luvedra mai na qito ena initaneti
- 25% kilai ira na luvedra nira solia na itukutuku ni tamata yadua ena gauna ni qito ena initaneti
- 34% tukuna vei ira na luvedrau nira vosa vua edua era sega ni kila ena nodra qito tiko ena initaneti
- 16% tukuna ni sa vakasaurarataki na luvedrau se vosa vakacacataki ka vakacacani
Na cala namaki
Na veika dredre e yaco mai ena iwiliwili levu ni tamata ena vanua oqo kei na veivanua tani era qito talega, na vakatatabu lailai era vakaitavi kina kei na kena dina ni ra sega ni tiko e matanavotu. Ena vuku ni ka oqo, ena sega ni rawa ni vakadeitaka na luvemu o cei era qito vata tiko ka veivosaki kaya tiko … se cava na nodra inaki. E ka ni rarawa, ni ra sa vakayagataka tiko vei ira na vulagina veivakacudrui ni veimaliwai veivolekati, dau lawaki se so tale na inakinaki ni basu lawa ka sa yaco me ra matau vakalevu cake. Ena tubu cake tikoga na levu ni leqa baleta na qito ena nodra sa qito tiko ena misini lalai veikauyaki ka sega na ‘kompiuta ni matavuvale’, ka solia vei iko e lailai na gauna mo raica kina na veika era sa cakava tiko na luvemu ena initaneti.
Na veika dredre tale eso e okati kina na:
- E dau qito na luvemu ena yabaki ka sega ni dodonu me tiko kina.
- Na luvemu sa vakalevutaka cake na bili me saumi ena nomu kadi ni dinau – ke ra rawa ni dau vakayagataka.
- Dau vakayagataki e levu na auwa ena qito ena initaneti ka sa sega ni vakaukauwa yago, na veimaliwai kei na nona veika ni vuli dina.
Me taqomaki tiko na qito ena initaneti nei luvemu
- Dau dolava na veivosaki dodonu ka dina kei ira na luvemu me baleta na nodra qito ena initaneti kei na veika dredre era sala vata kaya
- Vakavulici ira na luvemu me baleta na rerevaki ni kena vakatakilai na itukutuku vakaitaukei me vaka na nodra itikotiko ni imeli, itikotiko, lewe ni matavuvale se veika vakailavo.
- Vakamacalataka ni sega ni tamata kecega e vaka me ra vakakina, ka rawa me sega ni vakabauti na nodra inakinaki.
- Tukuna vei ira na luvemuni me ra kakua ni sauma na veibiliraki se veivakacacani tale eso, ka tukuna vei kemuni vakatotolo sara ke yaco mai.
- Tomani ira na luvemu ena qito ena initaneti ena veigauna eso ka vakagauna. Oqo ena solia vei iko e dua na vakasama me baleta na qito era qito tiko kina kei ira ka ra semati vata.
- Tuva ka vakaraica na iyalayala ni levu ni gauna ena veisiga se veimacawa era dau vakayagataka na luvemu ena qito ena initaneti.
- Raica na yabaki yalataki ni qito me vakadeitaki kina ni ra sega ni raici na luvemu na kena e sega ni veiganiti. E dua na vuna ni 18!
- Kakua ni solia vua na luvemu na veika matailalai ni nomu sausaumi me vaka na ikuri (extras) e rawa ni sau levu.
Me baleta na isau ni taro eso vei ira na itubutubu kei na dauqito ka baleta na iyalayala ni yabaki vakasala ni kena saravi na qito vakayalo matua, sikova http://askaboutgames.com
iKuri ni ivakamacala
Na idusidusi ni itubutubu mai na UK me baleta na nodra taqomaki na gone ni ra qito tiko ena initaneti: http://www.everybodyplays.co.uk/parents-guide-to-games