Baleta ni tiko e levu na i lawalawa ena initaneti era vulagi sega ni kilai ka quraqura, ka dau vakaveitalia na veivosaki, e gadrevi mo kila na veidredre namaki ni kena vakayagataki na rumu ni talanoa, kei na sala mo vorati ira kina.
Na Dredre namaki
- Na sotavi ni vosa e voravora, vakaduiduitaki ni tagane kei na yalewa, viavialevu se veivakaduiduitaki vakamata tamata, se na veivakacacani kei na veivosacataki.
- O ira na vulagi o sotava ena rumu ni veitalanoa e rawa ni cyber stalkers, se dau veivakarerei se veivakasosataki, vakauqeti iko mo veisautaka na nomu vakasama se na inaki vuni ni veiyacovi.
- Na itabagone qase cake kei ira na gone era rawa nira bacani ki na veivosaki ni veitemaki vei ira na qase naki ca.
- Na sotavi ni ivakarau tawa kilikili ka sega ni tarovi rawa e vakamovoataka na lomada kei na vakasama, ka dau kilai ena so na gauna me ‘yameyame ‘. Oqo e rawa ni vakavuna na ca vei ira kece sara ena loma ni rumu.
- Na veilawakitaki mai vei ira na tamata ena rumu ni talanoa ka vagolei na itukutuku ni tamata yadua se veika vakailavo kina rumu ni talanoa se na mataveilawa lawakitaki.
Veitalanoa taqomaki
- Qarauna o cei o nuitaka ena Initaneti ka nanuma tiko ni so na itokani ena initaneti era sega ni kilai vinaka sara.
- Maroroya na nomu itukutuku vuni ni oti na vakaleweni ni veitukutuku baleti iko se rumu ni talanoa ena initaneti (yaca, itikotiko, naba ni talevoni, naba ni talevoni veikauyaki, meli livaliva vakaitaukei, kemu i taba), kevaka sara mada ga era kerea na tamata.
- Nanuma tiko ni rawa mo bokoci ira tani na tamata mai na nomu veitalanoa mo levea na veika vakasevaki, se veisautaka na yaca ni nomu sikirini.
- Kakua ni wawa mo bokoci ira na tamata ko sega ni via veitalanoa vata.
- Vakasamataka mada na taro ni bera ni ko wasea na itukutuku mareqeti.
- Kakua ni vakayagataka na yacamu dina – ia vakayagataka na Yaca buli (ia me dua e sega ni vakavuna na vakasama cala).
- Mo cakava edua naka kevaka ko nanuma ni sotava tiko na dredre na nomu itokani.
- Vulica na sala mo maroroya/lavetaka e dua na ilavelave ni tukutuku ena veitalanoa – ena rawa ni yaga oqo kevaka ko vinakata mo ripotetaka e dua na ka.