Sausaumi lesu ena yaloyalo ca

Me vaka e vakatura na vosa, ko ira era a vakaitavi ena sausaumi lesu era ‘lesu tale mai’ ni ra sa sega ni ciqomi se na cava tale era nanuma ni sega ni dodonu. E dina ga ni sega ni dua na lawa dredre ka vauca, e levu ga vei ira na vakaitavi kina era tagane ka levu na taketetaki kina era gone yalewa.

Ena so na gauna, e dau vakayagataki me baleta na ivola ni veivakarerei , kei na veivakarerei ni iyaloyalo ena vakauti – se kevaka era se tiko ena initaneti era sega ni boko tani – me yacova ni sa saumi mai e dua na ilavo se ko koya ka vakarerei me lesu mai ka tomani tale na isema ni veimaliwai.

E tolu tiko na sala ni vakau itukutuku e vakayagataki me wasei kina na iyaloyalo tawadodonu vakaoqo:

• Vanua ni vakau itukutuku raraba. Na Twitter kei na iVolamata era sa vaqaqacotaka ruarua na nodra lawatu me baleta na veisausaumi ena yaloyalo ca kei ira era sa vakabira.
• mataveilawa ka vakatabakidua ena veivakarerei kei na veitalanoa.
• tukutuku vakadodonu vei ira na coko ena vakarerei kei na ikatolu ni ilawalawa ena imeli livaliva se itukutuku vakacurumi

Na Dredre Namaki

• Na itokani sa oti (se dua tale) e vakacuruma ena mataveilawa se me dua e wasea vakadodonu/iyaloyalo veivolekati kei iko, ka vakavuna na leqa ca se ena kena vinaka duadua, madua.
• Sa yaco me coko na veika vakailavo se veivakarerei ni vakasama.
• Kevaka ko iko na vakavuna na veisausaumi lesu ena yaloyalo ca, na ka e rawa ni yaco:
  • Vesu ni cala vakalawa, ka rawa ni curu ki vale ni veivesu me rua na yabaki.
  • Vakavuna na leqa levu vei ira na coko,ka rawa ni kauta mai leqa vakarerevaki vei ira kei na nodra matavuvale.

O nanuma tiko beka ni se vakacava na nomu voleka vua e dua, ena rawa ni veisau na ka kei na itaba se yaloyalo yavala e tauri ena dua na veimaliwai me rawa ni wasei vei ira tale eso.

Kevaka ko coko ena vei sausaumi lesu ena i yaloyalo ca.

• Kakua ni sauma na ivola ni veivakarerei.
• Ripotetaka vei ira na ovisa.
• Kevaka e laurai ena dua na mataveilawa se vanua ni vakauitukutuku raraba, ripotetaka na iyaloyalo ki na mataveilawa, kerea me ra vagalalataki ka sogoti tani.
• Kakua ni luluvu se madua mo tukuna na veivakarerei ena yaloyalo ca, me vaka ko sa vukei iko tiko kina kei ira na tani se so tale mai muri.