Na Dredre Namaki
- Na qiriti ni naba e vakatikitikitaki ka sau levu, cake mai na naba ni talevoni vakawa. Sa rawa talega mo raica na “veitaratara ena talevoni veikauyaki e rawa ni duidui” se “vata kei na isema eso” e tukuni tiko ena isema ki na naba – na isau ni veikacivi ena rawa ni duidui ki na ni kabani ni talevoni yadua.
- Ni vakayagataki na shortcodes, me kena ivakaraitaki ni ko curu ki na dua na veisisivi, ka tiko kina e dua na isau e vakatikitikitaki. Oqo ena rawa ni kauti iko mo ciqoma eso tale na itukutuku vakacurumi ko sega ni vinakata ka na rawa ni lavaki mo sauma yani.
- Lavetaki na apps ka solia e dua na ‘gauna ni vakatovotovo’ se ‘sega ni saumi’, qai sausaumi ni oti na gauna ni ivakatovotovo.
- Na vakacaca ena lawakitaki ni parokaramu ni komupiuta me tauri na itukutuku (malware) (me vaka ga e dua na komupiuta, na talevoni vuku kei na tebeleti era sota kaya talega na leqa ni vakacaca ni virasi kei na malware, okati kina ko ira era qiria na talevoni vakatikitikitaki eso).
Vakatulewa tiko ena isau
- Raica vata kei na nomu kabani ni talevoni na veika ena saumi ena kena caka e dua na qiri vakatikitikitaki se dua na itukutuku vakacurumi vakatikitikitaki.
- Taroga na naba vuni ena nomu bili ni talevoni kina na nomu kabani ni talevoni.
- Dau dikeva vakamatau na nomu bili ni talevoni ka vakaraica na naba ko sega ni kila kei na qiri ko a sega ni cakava.
- Mo qarauna na veika ko caliditaka – dau wilika taucoko na ivakarau kei na kena ituvatuva.