Na veimataqali ilawaki ena sausaumi.
- Na lawakica e vakaraitaka ni dua na tamata e tiko nona vale/iyau me saumi na kena vakayagataki. E vakavuqa ni na volai tu me vaka e lala tiko baleta na kena itaukei e tiko ka cakacaka ena dua tale na vanua. – e vakavuqa ni tabana ni veivukei se cakacaka vaka koya, ka vakavuna na kena rairai dina ka dodonu na ilawaki. Na itukutuku ena i taba ni kacivaki ni vale e rawa ni butakoci mai na dua tale na mataveilawa ni voli iyau qaqa/rede. E dau vakayagataka talega na dau lawaki na vakaiulubale me baleta na iyau qaqa/vale e sega ni tiko me laurai. Na ‘itaukei ni vale’ ena kerea me na vakau yani na imatai ni rede ni vula ena dua na veiqaravi ni ilavo me vaka na ‘Western Union’ se MoneyGram, ka yalataka me na vakauta yani na idola ena veiqaravi ni dau na vakau iyaya. E dua tale na kena ilakolako e rawa ni kerei ira na namaka tiko me taura na vale mera vakadinadinataka ni sa rawa vei ira mera sauma na sausaumi ena nona vakauta na ilavo vua e dua na itokani nuitaki se wekana, qai vakauta na dau butako ilavo e dua na ilavelave ni risiti, kei na lasu levu ni o koya duadua ga e ciqoma e rawa ni taura na ilavo.
- Na tamata lawakica edau vakaraitaka koya tu mevaka ni dua ka levu tu na nona iyau me rede. Oqo e dua na butako ilavo lawaki ka vakarautaki vakamatau, ka dau okati kina na mataveilawa vakamatavulo kei na akaude ni baqe. Na kacikacivaki se ituvatuva e rawa ni oka kina e dua na itaba butakoci mai na mataveilawa ni voli iyau qaqa/rede. Vakuria talega, ena sega ni rawa ni laurai na iyau qaqa, ia na dau lawaki ena vakayagataka na vakaiulubale me vakalecaleca kina na ka dina koya.
- E dau lasutaka na dau lawaki ni qarava e levu na tamata ena dua ga na gauna. Na tamata kece era via saumi vale era namaki mera yaco mai me toso ena siga vata ga o ya kei na ‘taukei ni vale’ ia e a yali ka sega ni kena o e laurai. Ena so na gauna, ni dau lasutaka edua na tamata me taukei ni vale ia okoya sa tiko sara ga ena vale, ko ira na tamata era sa lawakicataki era sa digitaka mera bula taucoko tiko ena vanua veiosoosoi ka ra sega ni kila na taukei dina.
- Na itaukei ni vale ena rawa ni yaco me coko ena ilawaki ni butako ilavo ni dua na dau sausaumi ka vinakata me redetaki ki na dua na itikotiko. Ena solia ko koya me vakauta e dua na jieke (e vakavuqa mai na dua na ‘wekana’ se bisinisi), kerea na jieke me veisautaki kei na so na ilavo a vakau ki na dua tale na tamata ena Western Union se MoneyGram, ena nona vakayagataka e dua na iulubale me vaka e dua na ka vakacala ka, na sausaumi sivia , se ilavo me saumi kina e dua na kabani e toso tiko. Ena yaco e dua na yalo ni maqusa baleta ni na vinakata na daubutako na ilavo ni bera ni qai kunei na jieke vakamatavulo.
Taqomaki iko mai na sausaumi ilawaki
- Dau raica e dua na iyau qaqa e loma kei na taudaku ni bera ni qai curu ki na dua na veidinadinati se veisolisoli ni dua na ilavo. Ena rawa ni vakarautaka vei iko e dua na taukei ni iyau/vale se itini dina, me rawa ni ko curuma na iyau qaqa/vale.
- Raica na iyau qaqa mai na taudaku ni dua na gauna duidui mai na ituvatuva koya, me kena ivakaraitaki ena bogi me vakadeitaki kina ni sa sega ni tiko e dua ka ‘lala’ tiko na iyau qaqa, ka sega ni sa tawani.
- Ni bera ni saravi e dua na iyau qaqa, raica me tiko na itaba ena itukutuku kacivaki e veidonui kei na kena ena Google Mape ni raici na sala. Kevaka ko lomalomaruataka tiko, me titobu sara na nomu vakaraica kevaka e vakayagataki na iyaloyalo vata ga oqo ena dua tale na itikotiko duidui na kena itikotiko – ena vakaraitaka e dua na ilawaki e tiko ena kena biu mai na ituvatuva veitaravi.
- Kevaka ko veitalanoa kei dua na mata ena initaneti, dau qiriti ira ena talevoni se raica me dua na nodra itikotiko tudei, ka sikova na nodra vale.
- Vakasamataka mo vakayagataka walega na mata dokai ka vinaka na ivakarau ni nona veiqaravi. Na isau tale eso e rawa ni yaco mai kina na vakacegu ni vakasama ni dau yaco mai na yalodina kei na nodra vakadinadinataki na itaukei ni iyau qaqa. E rawa talega mo, vakayagataka na mataveilawa ni rede ni kena dau, ka rawa ni tiko kina na itatarovi kei na timi ka na rawa ni raica ena matadra vakai ira na ituvatuva veitaravi ka nanuma ni tiko e cake sara na kena leqa.
- Kerea na itukutuku vakalawa e gadrevi me vakataka na ivurevure ni kaukauwa kei na pepa ni veitaqomaki ni kasi. Era na rawa ni solia vei iko na pepa ko gadreva mo yalodei kina ena kacivaki ni dua na iyau e sega ni lawakicataki.
- Taroga na itaukei ni vale me baleta na kena ivakadinadina.
- Raica ni na isau ni rede e tautauvata kei na iyau qaqa ka ka veiraurau kei na vanua koya. Kevaka e dua na ka e sa rui vinaka me dina, ena rairai vakakina.
- Kakua ni dau vakauta na ilavo ena Western union se MoneyGram. Era sa nakiti walega me baleti iko kei ira na tamata ko kila ka nuitaki. E rawa talega ni ra dau vakayacori ena dua na vanua ga e vuravura kei na lailai ni ka se sega ni dua na ivakadinadina – ka dau dredre na vakamuria lesu ena gauna sa mai kau oti kina na ilavo.
- Ena vanua cava ga e rawa, sauma na ilavo vakadei kei na sausaumi e liu ena kadi ni dinau me rawa ni taqomaki kina na ilawaki.
- Kevaka ko taukei ni iyau qaqa ka sausaumi tiko vagauna, kakua ni vakadonuya na sausaumi e okati kina na vagolei ni rede ki na dua tale na isoqosoqo. Dau raica na kena itukutuku ka vakadikevi na jeke ni dinau vei ira na namaka me ra rede.
- Kakua ni rere mo taroga na taro, se vakacava na kena yalowai ni kena rorogo ena nomu nanuma.
Kevaka ko nanuma ni ko sa coko kina rede ilawaki:
Ripotetaka vei ira na ovisa.