Na Dredre Namaki
- iTaba, yaloyalo yavala, ivakamacala, Vale ni vola ni sere kei na vakanananu yaga tale eso ka sega ni raici rawa ena matavuvale kei na itokani, sa rawa me yali tawa mudu
- Ko ira na sosomitaki koya era sega ni sogota rawa na akaude e volai ena yaca ni tamata sa mate, okati kina na akaude vakabisinisi.
- Ko ira na sosomitaki koya era sega ni tomana na isema ni veitaratara ena initaneti
Veika bibi
Na ka bibi duadua me vakadeitaki me sogo vakatotolo sara na itukutuku ena initaneti ka okati kina na itukutuku ni sausaumi me tarova na kena tauri vakailawaki se butakoci ni ivakatakilakila se tomani tiko na tauri ni sausaumi dodonu. Oqo e okati kina na veiqaravi ni baqei, volivoli,vanua ni volitaki iyaya vakaraitaki ,na iyaya yaga, talevoni , veivakamarautaki, qito, veimauilavo kei na veigadivi. Na veikabani se tabana yadua era na rawa mera soli vakasala ena veika me caka.
Taqomaka na nomu iyau taukeni
E tiko e vica na sala me vukea na kena vakadeitaki ni na sega ni yali na iyau taukeni livaliva ni yaco na mate. E vuqa sara na mataveilawa kei na veiqaravi ena initaneti me da tukuna ena tabana oqo, ka da sa mai raica kina eso era vakayagataki vakalevu. Na noda ivakasala vinaka me okati na nomu gagadre me baleta naka kece ena itukutuku ni tamata yadua – okati kina na curu kei na veika matailalai ni curu – ena nomu pasi ni curukei na ‘will’ e taqomaki ena nomu daunilawa.
iTukutuku raraba
Eso na vanua ni veikilai raraba e tiko kina na lawatu ni veika ena yaco ki na nodra akaude ni ra sa mate. Vei ira tale eso, era dau bula tu ga na akaude me yacova ni sa bokoci ni sa balavu ka sega ni vakayagataki…. se cakacakataka na nomu matavuvale se itokani.
iVolamata
Na iVolamata e tiko kina e dua na fomu me baleti ira na wekadra se tokani me ra kerea na vagalalataki ni akaude ni oti na mate, se me baleta na itukutuku me i vakananumi vei koya sa mate ena sega tale ni vakaraitaka na nodra itukutuku ena ‘vakatutu’ se ‘ tamata o na kila’ na kato, ia ko na laurai tikoga vei ira kece era sa dolava na nodra itukutuku. Vakatau ki na vanua ni itataqomaki, sa rawa vei ira na itokani kei na matavuvale me ra wasea na kena ivakananumi na tamata ko ya.
Na Twitter e rawa ni sogota na akaude ka vakarautaka na akaivi ni veivolavolai raraba me baleti ira na mate. Na kerekere me vakayacori me lako mai vua e dua na lewe ni matavuvale vakadeitaki se dua na tamata tiko vua na lewa me cakacaka ena vukudra na iyau taukeni nei koya sa mate. Na iwalewale oqo e matailalai ena vanua veitokoni ni Twitter eke.
Google (wili kina na YouTube kei na Google qito)
Na ituvatuva ni Akaude ni Google e sega ni cakacaka e vakadonui ira na leweni vuvale me vakarautaka e dua na iwalewale me toso na taukeni kei na lewa ni dua na akaude e sega ni cakacaka ki na dua tale na lewe ni vuvale. Na nomu iyau taukeni ena Google e rawa ni okati kina na Google + Google Docs, Gmail, Picasa itaba kei na yaloyalo yavala YouTube, vei ira tale eso. Ena gauna sa kilai tu kina ko koya e vakayagataka me sa takali yani, sa rawa vei Google me cakacaka vata kei ira na lewe ni matavuvale voleka kei na mata me ra sogota na akaude ena initaneti. Ena rawa ni vakarautaka na itukutuku mai na nona akaude e dua sa mate.
MySpace
Na MySpace ena maroroya se kauta laivi na itukutuku ni mate ena kerekere nei koya ka lewa na iyau taukeni nei koya sa mate. Na vanua oqo e rawa talega kina me tuvanaki e dua na ivakananumi me vakarokorokotaki kina ko ira era sa mate.
iMeli livaliva
E vakatara ko Gmail kei Hotmail na nodra itukutuku ni meli livaliva na tamata era sa mate me ra laurai, sa vakarautaki kina na veika e gadrevi. Yahoo! ena sega ni vakarautaka na curu ena imeli ivaliva vakaoqo.
Dropbox
Na Dropbox e sega ni tiko kina na lawatu ni nodra itukutuku na tamata era sa mate. Ena ruku ni kena ivakarau raraba, era na bokoca na akaude ni Dropbox ni oti e 90 na siga mai na iotioti ni curu.
Wikipedia
Wikipedia na veitabana e taqomaki ira vakavinaka na vakaude kina ni oti na nona mate ko koya e vakayagataka, me levei kina na vakaveitalia ni Edita se vandalism okati kina na trolling. Na wikipedia e tiko kina e dua na tabana ni ivakananumi e loma me nanumi ira tiko era sa cakava e dua na iwiliwili levu ni cau se veisau.
iTunes
Na ivakarau ni sitoa ni iTunes kei na kena tuvatuva ni vei qaravi e sega ni tukuna na ka e na yaco ni sa yaco yani na mate, Ia e tukuna “Ko na sega beka ni rede, lisitaka, solia, volitaka, vakauta na veisoliyaki, se kabi kina na Laiseni koya a Kerei, ia kevaka ko volitaka na nomu Mac komupiuta se misini ni iOS kina ikatolu ni wasewase ni veivoli; mo kauta laivi na Laiseni koya a Kerei mai na Mac kompiuta se misini ni iOS ni bera ni o cakava vakakina.” E kena ibalebale oqo ni veika e maroroi tiko e loma – okati kina na ivakatagi, iyaloyalo yavala, vakasama, apps kei na veika ka maroroi tu e iCloud – ka sa lokataki tu ga ki na akaude ena sega ni rawa ni soli yani vua e dua tale na tamata, kevaka sara mada ga ni sa yaco na mate. Ia, e kilai tu na Apple ni dau qarava na kerekere dina me baleta na itukutuku ni dua na tamata sa mate me vagolei vua e dua na wekana yalo loloma ka imatai ni cakacaka me dua na ivola ena meli livaliva kina [email protected] me veivosakitaki kina na veika me caka.
Ena soli ni dua na misini ni Apple ni sa takali yani ena mate e dua, na yacana, imeli livaliva kei na vosanicuru kei na veika matailalai ni sausaumi e rawa ni veisau kevaka e dua na wekana se dua tale na tamata ka tu vua na dodonu me rawa ni curu ena akaude. Oqo e dua na ivakaraitaki vinaka ni kena bibi me biu tu na veika matailalai ena initaneti ena veidinadinati ni bera na mate(will). Na ivakatakilakila ni curu ena misini se PIN e dodonu me vakaraitaki talega, me vaka na kena matailalai ena rawa ni laurai kevaka e rawa ni dolavi na misini ena imatai ni gauna.
E tiko talega vei Apple e dua na veiqaravi ena kena rawa ni sogo vakadua e dua na akaude.