Vakaisosomitaka na Windows 7

Na Dredre Namaki

• Me vaka ni sega ni soli e dua na vakavoui ni itataqomaki, ena malumalumu na nomu PC ni Windows 7 ka na rawai rawarawa ena malware, ka kila vinaka ko ira na dau butako na malumalumu oqori.
• Na malware vakaoqo e rawa ni vakayagataka na dau basu lawa me baleta e vica na inaki, okati kina na:
  • Butakoci ni nomu itukutuku ni tamata yadua kei na veika vakailavo me rawa ni ko vakayacora na ilawaki
  • Vakadewataki ena nomu komupiuta na parokaramu ni vakacaca ka vakaukauwataka na ilavo me saumi yani (ransomware)
  • Butako me rawa ni o vakayagataka na akaude ni baqe, pasipote kei na iyau qaqa tale eso ena yacamu.
  • Laurai ni nomu imeli kei na veitaratara tale eso.
  • Caka ni nomu PC me dua na tiki ni botnet, ka dau vakayagataki wasoma me valuti kina na mataveilawa ni matanitu se isoqosoqo lelevu eso.
• Dredre ni nomu taura na nomu Windows 7 PC me qaravi se vakavinakataki.
•  Levu cake na iwiliwili ni misini kei na parokaramu ni komuputa ena sega ni cakacaka vata kei na Windows 7.

iKuri ni veika dredre me baleta na bisinisi

• Me vakuria na, dredre ni curumi vakaveitalia na ivakarau ni tukutuku, ka vakavuna na nomu itukutuku ni laurai se butakoci, sega ni sala vata kei na insurers kei na/se na nodra ivakatagedegede na kasitama kei na voroki ni GDPR.
• E sega ni dua na misini kei na parokaramu ni komiputa e veitokoni ki na tabana eso ka dau vakarautaka na veiqaravi ena Windows 7.

Ni bera ni o cakava e dua vei ira na ka oqo, sa ka bibi sara mo na lesu tale ki na itukutuku ena nomu PC ka vakadeitaka ni sa rawa me laurai ka sa tauri ena dua tale na misini.

Vakavoutaki Na Parokaramu Ni Nomu Komupiuta

• Na imatai, na kena iwali e kilai me vakatikora na Windows 10. Ia, e vuqa na komupiuta qase cake ena sega ni rawa ni ra cicivaka na Windows 10 me baleta na kena e gadrevi vakalevu cake na veika vakamisini. Microsoft e vakatura mo raica na kena veiganiti ni veiqaravi eke.

Ena rawa me vakavinakataki cake kina na Windows 10 ka sega ni saumi, vakatau ena ituvaki ni bula. Kevaka e tiko e dua na nomu tabana dodonu ena Windows 7 ka vakavodoki vakomupiuta ka cakacaka mai na Microsoft, sa rawa mo vakavoutaka ka sega ni saumi mai na sitoa ni Microsoft.

Kevaka e sega ni rawa ni cicivaka na tabana vou e dua na nomu PC, o na gadreva mo volia e dua na ka vou.

• Kevaka o volia e dua na PC vou, o na gadreva mo vakauta na veika e tiko ena nomu misini makawa ni Windows 7-kina Windows vou.
• Kevaka o vinakata mo maroroya na nomu PC makawa ka sega ni vakatorocaketaka, e tiko tale eso na digidigi me vaka na ‘dual booting’ kei na dua vei ira na mataqali ivakarau ni kena cicivaki na Linux. Oqo ena rawa kina vei iko mo vakayacora na cakacaka kece ena initaneti mai na Linux, kei na cakacaka e taudaku me vaka na word processing, spreadsheets kei na vakavinakataki ni itaba ena Windows. Na iwali oqo e taura e dua na gauna kei na sasaga me vakatikori, ia e tiko e dua na iwiliwili levu ni mataveilawa e soli kina na ivakasala kei na veidusimaki.
• E rawa talega ni o vakasamataka na veisau ni dua na komupiuta vou ena dua tale na vatavata, na kena e dau digitaki wasoma me vaka na Apple Mac se so vei ira na mataqali vou ni netbooks me vaka era vakayagataka na Google nei Chrome, se na ivakaraitaki ni netbook nei Microsoft.
• E yaga sara me vakasamataki tiko ke o se gadreva tikoga e dua na desktop se laptop PC baleta ni vuqa na itavi e rawa ni qaravi ga ena vakayagataka ni tebeleti, ka tiko kina e levu na kena mataqali misini   me digitaki mai, ka tiko ena £50 kina so e tiko ena vica na drau na paodi.

Bisinisi & Veicakacaka Tale Eso

Na bisinisi kei na veicakacaka eso era se cici tiko ga ena Windows 7 e dodonu me vakatotolo na kena biu ka toso yani kina dua tale na vatavata, ka okati kina na veika me baleta na misini vou, ituvatuva kei na kena ivakarau.

Na Bisinisi Lalai Kei Na Kena E Tiko E Loma: E vuqa tu na digidigi me baleta na bisinisi lalai kei na kena e vakarauta me ra toso ki na dua na PC ni gauna oqo kei na kena e vou vuavuai kei na iyaya ni veitaratara. E dodonu mo veivosaki kei na dua na Microsoft Certified Partner mo kila vakavinaka kina na veika vinaka duadua mo sotava kina na nomu gagadre. Kevaka e sotava na nomu PC ena gauna oqo na veika e gadrevi ena ika 10 ni Windows, e rawa ni o volia na Windows 10 Professional mai na dua na retailer se itokani vakadinadinataki Microsoft. Kevaka e sega ni sotavi na nomu PC e dua na ka e gadrevi, sa rawa mo volia e dua na bisinisi vou PC ena Windows 10 Pro.

Bisinisi Levu & Veicakacaka eso: Microsoft e solia kina isoqosoqo lelevu na ivurevure vakamisini, iyaya ni cakacaka, kei na veidusimaki ni kena dau me vakamamadataka na icolacola kei na veiqaravi ni Windows, Office kei na Initaneti Explorer kei na veika vakalivaliva. Mo vulica e levu tale na ka me baleta na biu vanua kei na parokaramu veiqaravi, veitaratara kei na nomu mata ni volivoli Microsoft se itokani vakaivola Microsoft (Certified Microsoft Partner).

Na Sala Me Vakavoutaki Cake Kina Na Windows 10

Mo raica ke sa dodonu mo na vakavinakataki cake, lako ki na nomu Control panel mai na Menu ni tekivu, digitaka na ivakarau kei na veitaqomaki, qai vakarautaki na kena ivakarau. Vakararai sobu ki na boto ni katuba leka: ena vakaraitaka beka e dua na ka kevaka e vakayagataki na licence. Na nomu PC ena gadrevi me tiko ena Windows 7 veiqaravi vakatawana 1, ka na yaco me vaka kina kevaka e vakavoutaki na PC. Na www.microsoft.com/en-gb/windows/windows-10-specifications rawa mo raica kevaka na nomu PC e sotava na ivakarau lailai me vakavinakataki cake kina Windows 10.

Lavetaka na nomu files ki na O se dua na misini nuitaki ni mamaroroi ena nomu vanua, me levei kina na kena rawa ni yali ena kena vakavinakataki.

Taura mai na Windows 10 Media Creation tool mai http://www.microsoft.com/en-gb/software-download/windows10 qai digitaka na ‘iYaya ni lavelavetaki ena gauna oqo’. Ni sa lavetaki, dolava na files ka wilika ka vakadonuya na kena ivakarau kei na kena ituvatuva. Digitaka ‘vakatorocaketaka na PC oqo’. Kevaka e lailai na vanua e tiko ena nomu hard drive, o na gadreva beka mo vagalalataki eso na vanua ka cicivaka na komupiuta mai na dua na USB. Ena dusimaki iko na kena tuvai na ka oqo.

Ko na kerei mo digitaka ke o gadreva mo maroroya na nomu files kei na parokaramu. Kevaka o gadreva mo tekivu vou ena dua na ivakarau ni veiqaravi savasava ka sa lavetaki tiko na nomu files, sa na rawa mo tosoya na files kei na parokaramu o gadreva mo maroroya lesu ki na nomu komupiuta ni oti na kena vakavinakataki, se ena gauna o gadreva kina. Kevaka o digitaka mo kakua ni maroroya na nomu files kei na parokaramu ia nanuma ni o na gadreva tale beka, vakadeitaka ni se tu ga vei iko na laiseni ni idola.

Ena qai vakayacori na kena vakavinakataki. Oqo e rawa ni taura e vica na auwa, vakatau ena totolo ni nomu PC kei na isema ni initaneti. Ena restart vakavica na nomu komupiuta, ia sa na basika mai na sikirini Windows 10 na veikidavaki. Ena qai vakaraitaki vei iko na digidigi ni itataqomaki, mo qai kerei mo curu ki na nomu akaude ni Microsoft, ke tiko e dua. Raica ka kiliki ena ‘activation’ Start menu me kilai kina ke sa vakayagataki na nomu Windows 10 laiseni. Ke sega, o na gadreva mo volia e dua na liseni vou.

Kevaka Ko Biuta Tani Na Nomu Komupiuta Makawa

Nanuma tiko, sa ka bibi sara me vakacegui ka biutani na nomu komupiuta makawa, vakavinaka ena rua na vuna:

• Na itukutuku ena nomu komupiuta ena rawa ni laurai vakarawarawa kevaka o volitaka, scrap, solia tani se solia, ka vakakina ‘na itukutuku bokoci’ e rawa ni vueti mai vakarawarawa vua na dau butako. Na mataqali vakarau e biutani kina na komupiuta e dodonu me sala vata ena kena lailai na revurevu ni vakacaca ena veika bula kei na vanua ka vakadeitaka ni o sega ni voroka na lawa.
• Yalovinaka raica na noda ivakasala ena vakayagataka na taqomaki ni komupiuta me vakadeitaki kina ni o sa cakava tiko vakadodonu.