Na Dredre Namaki
- E rawa ni laurai na kemu itukutuku kevaka mada ga ko veibulagoci ena dua na yaca buli, se yaca vakalecaleca.
- E rawa ni ko veivutunitaka e muri, e dua na ka ko a veibulagoci kina. Me ivakaraitaki, sa na rawa mo vakayalia na nomu cakacaka se veitarotarogi ni taro cakacaka me baleta na veitukutuku vakamadua ko a vakacuruma, se o vakararawataka e dua na itokani, wekamu se nomu daulomani.
- Na veibulagoci e vauci vakalawa ena lawa veivakacalai. Na veitukutuku vakacurumi lasutaki me baleta e dua na tamata se i soqosoqo e rawa ni vakavuna na totogi bibi.
- Nanuma – na veika kece ko biuta ena mona livaliva ena kunei tu ga ekeya …. e dua na ka ko biuta tu ena buturara raraba ena tikoga ekeya ka rawa ni na laurai tale. Kevaka mada ga ko sa bokoca na veitukutuku vakacurumi, ena rairai tikoga ena dua tale na idini ni vakasaqaqara se vanua ni maroroi ka ena mona livaliva se ena dua na kato ni vakasaqaqara ni kabani.
- E rawa ni ko nanuma ni lailai ga na nomu ivavakoso, ia e ka rawarawa sara vei ira na tamata me ra kunea na veibulago se itukutuku ena nodra idini ni vakasaqaqara.
- Na ‘ivakamacala’ e tiko ena vuqa na bulago e rawa ni vakarau ni ka vei ira na dau vakacacani mona livaliva ka okati kina na mataveilawa era vakatura tiko, cyber-dauveivakalialiai okati kina na isema ki na mataveilawa ni veivakaisini, se na tamata dau veivakasaurarataki se dau vosa ni veivakarerei.
- Era na sega ni vakila na gone na wasei ni itukutuku ni tamata yadua, se vakacurumi ni kedra i taba ena mataveilawa.
Taqomaki ni Veibulagoci
- Kevaka ko vinakata mo veibulagoci raraba, tukuna ga na veika ko vinakata me ra kila na tamata kecega ena mona livaliva. Kevaka e sega, maroroya matua na nomu bulago.
- Dau railesuva ena veigauna se ko cei e dolava na nomu itikotiko ena mona livaliva ka veisautaka na veitukutuku ke gadrevi vakakina.
- Maroroya na veika matailalai baleti iko ka solia ga vei ira na tamata ko nuitaka.
- Kakua ni vakabira na itukutuku maroroi e rawa ni vakayagataki me butakoci kina na nomu ivakatakilakila me vaka na naba ni kadi ni dinau, pasipote se vanua ko vakaitikotiko kina.
- Nanuma tiko mo vakayagataka e dua na yaca buli ke vinakati mo maroroya na nomu ivakatakilakila vuni me taqomaki iko mai na inaki ca vakapolitiki se na taqomaki ni nomu cakacaka.
- Mo qarauna na itukutuku cava ko solia me vakataka na nomu itikotiko, koronivuli, vanua ni cakacaka se siga ni sucu.
- Mo qarauna na itaba ko dau vakauta ena rawa ni laurai kina na veika maroroi ka bibi me baleti iko.
- Mo qarauna na veivakanananu vuni ko wasea ena nomu bulago.
- Mo kila tiko na bulago me baleti iko mai vei ira na nomu itokani, se na veika era vola ena nomu bulago, vakabibi na nomu itukutuku vuni kei na itavi ko qarava.
- Qarauna na nomu veisotari kei dua ko kila ga ena ivatavata ni veibulagoci.
- Raica me ra kila na gone na rerevaki ni veibulagoci ki na dua na ivavakoso raraba.
- Kevaka ko sa qai vou ena veibulagoci, tekivu vakamalua. Kila vakavinaka na veika e baleta na Parokaramu ni komupiuta ko vakayagataka kei na ivakarau ni itikotiko veibulagoci (na ‘ blogosphere ‘) kei na kena cakacaka, okati kina na sala ni kena siviraki na itukutuku.
- Kakua ni vakabira e dua na ka e rawa ni vakavuna na nomu madua ena dua na gauna mai muri.