Na sala me levei kina na vosalevu
- E dua vei ira na sala vinaka me kakua ni vosalevutaki kina na itukutuku raraba ko ya mo vakadeitaka ni ko sa biuta na nomu akaude me kovuti ena tabana ni tamata yadua. Na veika kece ko wasea se vakauta ena initaneti e tukuna vei ira na tamata e dua na ka me baleta na nomu itovo kei na vanua – vakasamataka se ko vinakata mo wasea oqo vei ira na tamata kecega.
- Kakua ni vakacuruma na veika matailalai ka rawa ni lacadrau vata ka vakayagataka ena dua na lawakica – me vaka na nomu yabaki ni bula, nomu siga ni sucu, nomu vanua ni cakacaka, imatai ni koronivuli, karua ni yaca ni goneyalewa, na wekana se na yaca ni manumanu, se dua tale na vosanicuru kilai levu.
- Ena nomu wasea na nomu itukutuku kina tabana ni vakauitukutuku raraba e rawa ni ko curu ki na dua na sovea, sa na rawa mo solia na itukutuku taqomaki. Raica na ivakarau kei na ivalavala ka qarauna na veika ko vakadonuya vei ira tale eso me baleti iko se nomu akaude.
- Na mataveilawa kei na wasei ni itaba ni gauna ko tiko kina ena vakacagicagi se bisinisi e rawa ni vakaraitaka ki na daubutako ni sa lala tu na nomu itikotiko. Mo bokoca talega na vanua ko tiko kina ena apps ni nomu misini kece sara.
- Na cava e yaco tiko ena initaneti, ena tikoga ena initaneti. Vakasamataka vakarua ni bera ni ko caliditaka ka biuta eso naka mo kua kina ni madua se veivakamadualaki vei ira e so tale. E rauta ni 70% * na itaukei ni cakacaka era vakayagataka na itukutuku raraba me ra dikevi ira kina ko ira era rawa ni cakacaka vei ira, koya na vuna mo dau tarogi ira na itokani kevaka era vinakata me biu ena mataveilawa na kedra itaba se na nodra na luvedra.
- Vakasamataka vakarua na itukutuku kei na itaba ko wasea tiko. Na laiseni ni draiva, pasipote, so na ivola kei na ivolatukutuku tale eso era tu kina na itukutuku bibi ko gadreva mo vakadinadinataka kina na nomu ID.
* E tauri mai na vakadidike ena 2017 CareerBuilders: https://www.careerbuilder.com/advice/social-media-survey-2017