Vosanicuru

Na vosanicuru e dau vakayagataki wasoma me salavata kei na nomu yaca vakayagataki. Ia, ena veivanua taqomaki e rawa talega ni ra vakayagataki kina ena iwalewale tale eso ni ivakadinadina me vaka e dua na PIN kei na/se itukutuku e rawa me nanumi. Ena so na gauna ko na kerei talega mo vakacuruma walega eso na matanivola kilai ena nomu vosanicuru, me baleta na ikuri ni veitaqomaki.

Na bibi ni kena vakayagataki na vosanicuru malumalumu

• Era vakamurimuri iko na tamata mo vakayacora na ilawaki kei na cala tale eso, okati kina na:
  • raici na nomu akaude ni baqe
  • na iyaya ni volivoli ena initaneti ena nomu ilavo
  • vakamurimuri iko ena vanua ni veikilai raraba kei na veigadivi
  • vakauta na meli livaliva ena yacamu
  • na raici ni itukutuku vakaitaukei ka tu ena nomu komupiuta

Digitaka na vosanicuru e uasivi duadua

Cakava oqo:

• Dau vakayagataka na vosanicuru ena veigauna kece.
• Mo bulia e dua na vosanicuru kaukauwa, mo digitaka ga e tolu na vosa e veituyaki. Na naba, na ivakatakarakara kei na semati ni matanivola levu kei na kena e lailai e rawa ni vakayagataki kevaka ko vakila ni ko gadreva mo bulia e dua na vosanicuru kaukauwa cake, se na akaude ko sa cakava tiko e dua na vosanicuru ka gadreva, sega ni matanivola walega.
• E tiko na kena veimataqali, ka sega ni dua na lawa dredre me vauca, ia e rawa ni ko vakasamataka na vakatutu oqo:
  • digitaka e dua na vosanicuru kei na walu na matanivola (me levu cake kevaka e rawa, me vaka ni dau dredre vua na daubutako me voroka na vosanicuru balavu), na semai vata ni ivola e cake ka lailai na kena matanivola, naba kei na vakatakilakila ni piano livaliva me vaka na @ $% ^ & ()_ +. (me vaka SP1D3Rm@n – dua na vei semati ni spiderman, kei na ivola, naba, e cake ka lailai na kena kisi). Ia, mo kila tiko ni so vei ira na matanivola se ivakatakilakila oqori e rawa ni dredre me vakacurumi mai na vata ni matanivola ena vanua tani. Nanuma talega na kena veisautaki na matanivola ni naba ni bula (me kena ivakaraitaki e dua ki na 3 kei na i me 1) era kila vinaka na dau butako.
  • na rawa ni wilika vata kei iko e dua na qaqa ni sere era na sega ni vakabauta ni salavata kei na nomu bula vaka iko.
  • koya tale na ikarua ni yacana ni tinana edua tale (sega ni karua ni yacai tinamu ena gauna ni goneyalewa).
  • digia e dua na malanivosa e kilai vei iko, me kena ivakaraitaki na ‘buturaka me vakataki keirau, gone keirau a sucu mai me keirau cici’ ka taura na imatai ni itovo ni bula mai na veivosa yadua me rawati kina na ‘tlu, bwwbtr’

Kakua:

• Vakayagataka na veika oqo me vaka na vosanicuru:
  • Nomuni yaca vakayagataki, yaca dina se yaca ni nomuni bisinisi.
  • na yacadra na lewe ni matavuvale se nodra manumanu.
  • Nomu se dua na siga ni sucu ni matavuvale.
  • Timi ni qito taleitaki se timi ni F1 se dua tale na vosa e rawarawa me cakacakataki e na kila ka lailai.
  • Na vosa ‘vosanicuru ‘.
  • Matanivika veituvatuvai.
  • E dua na vosa matau kilai levu e na iVolavosa, ka rawa ni voroki ena parokaramu ni lawakicataki ni komupiuta.
  • Na digitaki ni matanivika se PINs, kakua ni vakayagataka na cabe cake se siro mai (kena ivakaraitaki 4321 se 12345), veilavetaki vakaveitaravi ni matanivika (me vaka na 1111) se na kena ivakarau rawarawa ni kilai na itabataba ni Komupiuta (me vaka na 14789 se 2580).

Vakaraica nomu vosanicuru

• Kakua ni vakaraitaka na nomu vosanicuru vua e dua tale. Kevaka ko nanuma ni dua e kila na nomu vosanicuru, veisautaka sara vakatotolo.
• Kakua ni vakacuruma nomu vosanicuru ni ra raica eso na ka ko taipataka tiko.
• E sega ni vakaturi na veisau ni ivakarau ni vosanicuru, vakavo ga na kena voroki mai vei dua na daubutako me veisau vakatotolo sara. E vakayagataki talega oqo kevaka e dua tale na akaude se mataveilawa ko vakayagataka kina na veika matailalai ni curu e sa voroka na daubutako.
• Vakayagataka na duidui vosanicuru ena duidui mataveilawa yadua. Kevaka e dua ga na nomu vosanicuru, ka sa voroki rawa ena rawa ni curumi na veika kecega.
• Kakua ni vakacowiritaka na vosanicuru (me kena ivakaraitaki na vosanicuru2, vosanicuru3).
• Kevaka e dodonu mo vola na vosanicuru me rawa ni ko nanuma, tuva vakavuni n matanivola ena dua na ivakarau e kilai ga vei iko, ia cakava me sega voroki rawa baleta ni sega edua ena kila rawa.
• E dua na ivalavala talega ni volai ni vosanicuru ko ya me vakayagataka e dua na qara se baqe ni vosanicuru ena initaneti. Vakasaqara na vakatutu, ka vakadeitaka ni sa taqomaki ka dina na nomu digidigi.
• Kakua ni vakauta na nomu vosanicuru ena imeli livaliva. Ena sega ni dua na kabani dina ka tudei ena kerei iko mo cakava oqo.

Na dina ni dodonu mo vakayagataka na vosanicuru duidui me baleta na akaude yadua ena rawa ni dredre kina na nomu nanuma. Vakasamataka mo vakayagataka e dua na qara se rumu ni vosanicuru e vuqa ena initaneti, ia wilika na railesu ka kila na vakatututaka.

Qara/Baqe ni vosanicuru

E tiko e vica na rumu ni vosanicuru (e kilai me baqe ni vosanicuru me taqomaki se dua tale na vosa) ko rawa ni vakayagataka – eso ko sauma, eso e soli wale. Oqo ena rawa kina vei iko mo maroroya taucoko na nomu vosanicuru ena dua na vanua rawarawa ka mo kakua kina ni nanuma kece tiko se vola. Ko na gadreva ga mo nanuma tiko e dua na ituvatuva ni curu ki loma.

E dodonu mo wilika na railesu se taura na nomu vakatutu ni bera ni ko vakacuruma na nomu vosanicuru ki na dua na qara ni vosanicuru. Kevaka ko digitaka, na noda vakatutu ka tiko kina e rua na ka (2FA)-ena dua tale na kena itukutukuni, e vakauta e dua na naba vuni ki na nomu talevoni veikauyaki se so tale na iyaya, ko na gadreva mo biuta ena qara ni vosanicuru me rawa ni ko curu rawa kina, e vaka ga na vakadeitaki ni dua na sausaumi ena initaneti.

Me baleta na ikuri ni veitaqomaki, keimami vakatura mo ni lavetaka na vosanicuru ena so na sala ni bera ni ko ni curu yani ki na qara, e dina ga ni keimami kila tiko na kena vakatautauvata, ni ka oqo e sega ni dau rawarawa.

Lewai ni akaude vakayagataki

O ira kece era vakayagataka na kompiuta e dodonu me dua nodra akaude ni vakayagataki me rawa kina ni ra raica na nodra cakacaka kei na parokaramu. Na akaude yadua e dodonu me tiko na kena vakacurumi e dua na yaca vakayagataki kei na vosanicuru me rawa ni maroroi kina na nodra veika taqomaki. E rawa talega ni tuvanaki na itukutuku tale eso ni vakayagataki itukutuku – okati kina na nodra lewa na tina ni vakatulewa (Katubaleka irairai kei na Katubaleka 7 walega).

Kakua ni vakayagataka e dua na akaude ena veisiga ka tiko kina na galala ni veiqaravi baleta na vakacaca ka veibutakoci ena rawa ni taura na dodonu ni veiqaravi. Kevaka mada ga ko sa vakayagataka tiko, vakarautaka e dua na akaude ni veiqaravi me vakayagataka ena gauna ko gadreva kina mo vakayacora na cakacaka me vaka na parokaramu ni vakacurumi se veisautaka na matanivika ni ivakarau, kei na dua tale itukutuku ni vakayagataki ni ivakarau ni cakacaka me vaka na nomu akaude. Kevaka ko sega ni curu mo veiqaravi, ko na vakauqeti mo vakacuruma e dua na vosanicuru ni ko vakacuruma e dua na draiva ni iyaya vou se parokaramu. E rawa ni ko vakayagataka na akaude ni vakayagataki itukutuku ena Papa ni vakatulewa ni Katubaleka.

Vaqara na vosanicuru mai na Tauri taqomaki ena initaneti ena Vimeo.