Na lewe ni ituvatuva yalodina e rawa nira tara cake e levu sara na poidi, ka vakatau ena levu ni ilavo era vakayagataka, kei koya e vakayagataki kina. E ka ni rarawa, ni oqo ena vakavuna na kena rawarawa vei ira na lawakica mera curu mai kina ena vei sala mevaka oqo:
- E vuqa na tamata era vakayagataka na matailalai ni nodra akaude ni kadi ni yalodina me vaka na nodra akaude tale eso, ka rawarawa ni voroki na nodra akaude oqo vei ira na dau butako.
- E vuqa na dau ni ituvatuva era sega ni dau vakayagataka na veitaqomaki vata me vaka na baqe.
Ia, baleta ni ituvatuva e sega ni vakarautaka na soli vakadodonu ni ilavo dina – kei na vuqa na tamata e vaka e dua na bonisi era a sega ni rawata kevaka era a sega ni cakava na volivoli – era sega ni via kauwai sara ena nodra kadi se akaude mevaka kina nodra Akaude ni baqe. Oqo ena vakavuna me rawarawa ni ra rawai vei ira na lawakica.
Na dredre namaki
Na tauri vakatawadodonu ni nomu akaude ni ituvatuva ni yalodina, ka lako mai na:
- Vakayagataki vata ni veika matailalai ni curu vata (itikotiko ni meli livaliva kei na vosanicuru) me vaka e dua tale na akaude ka sa sotava oti e dua na vakacaca ni basuki na itukutuku. Oqo e rawa ni vakabibi sara vei ira na lewena tu na i tuvatuva ni yalodina ena gauna era sega ni bibi kina na vosanicuru kaukauwa mevaka vakaoqo.
- Na veilalitaki ni kena vakatakilai na nomu naba ni kadi ni yalodina ena initaneti, ena talevoni se kina dua na tamata.
- Vakayalia na nomu kadi ni yalodina, se kevaka e butakoci.
- Na nomu kadi e sa caka e dua na kena e tautauvata.
- Vakayagataka na apps yalodina e ikatolu ni soqosoqo ka kumuni kina na nomu itukutuku okati kina na yacamu, nomu itikotiko, naba ni talevoni, tikini siga ni sucu kei na volivoli. Na apps vakaoqo ena sega beka ni taqomaki, se rawa ni lawakicataki. E vakatalega kina, ko ira na veiqaravi ni app vakaoqo e rawa ni volitaka na nomu itukutuku ki na soqosoqo tale eso, ka na vakavuna na nomu taura eso na qiri vakaveitalia, imeli livaliva kei na/se tukutuku vakacurumi.
Na sala me levei kina na kadi ni yalodina ilawaki
- Dau raica na nomu kadi ni yalodina mevaka ga nomu kauwai ena nomu baqe se sitoa. Nanuma tiko, ni oqo e dua na iyau taukeni ka yaga dina.
- Kakua ni vakatakila na nomu naba ni kadi vua e dua ko sega ni kilai koya mai tabana ni veiqaravi, se dua mai na isoqosoqo ko vueta kina na poidi.
- Na kerekere vakailawaki ena rawa ni tiko ena imeli livaliva, talevoni, itukutuku vakacurumi, dua na isema ni veitaratara ni itukutuku raraba se me tiki ni dua na icurucuru ni veisisivi.
- Kevaka ko ciqoma e dua na veikacivi sega ni kilai, imeli livaliva, itukutuku vakacurumi se so tale na itukutuku tukuna tiko ni lako mai na tabana ni nomu kadi ni yalodina, kaya tiko qirita lesu na naba ena daku ni kadi kevaka e tiko na nomu vakatitiqa.
- Kakua ni vakabira na itaba ni nomu kadi ni yalodina ena itukutuku raraba.
- Digitaka e dua na vosanicuru kaukauwa, ka vakadeitaka ni ko sega ni vakayagataka ena dua na kadi ni yalodina ena nomu cakava e dua tale na akaude. Na ivakasala oqo e baleta na akaude kece sara ena initaneti.
- Veisautaka na nomu vosanicuru ena veigauna kece – ki na dua e duidui sara mai na kena ko sa vakayagataka tiko oqo.
- kevaka me laurai na yaca vakayagataki/imeli livaliva kei na vosanicuru ena dua na nodra ivola na dau vakacaca komupiuta me ra wasea na dau butako.
- Dau sogota na nomu akaude ena mataveilawa ni kadi ni yalodina se app ni ko sa vakacavara na nomu cakacaka, se oti na veitosoyaki ni lavo. Me bokoci ga na tabana se app e sega ni rauta mai na kena sogoti, me kakua na curu lawaki yani.
Kakua ni vakacuruma e so tale na itukutuku matailalai ena apps ni veika e yaco tiko, ena dua tale na kena ivakamacala ko ira era sega ni dau cicivaki vakadodonu mai vei ira na tamata yadua. Na tabana dina ena sega ni veimaliwai vata kei na veilali apps oqo, ka ra sega ni vauci ena lawatu veiganiti kei na lawatu ni cookies. Kevaka e vakatitiqa, kerea na ituvatuva ni yalodina e vakadonui vei iratou na dauveiqaravi.
iVakasala tale eso
- Raica na iwiliwili ni nomu poidi vakawasoma ena initaneti se sitoa na veika e baleta.
- Kevaka ko coko ena lawakitaki ni kadi ni yalodina, ripotetaka ki na nomu dauveiqaravi ni ituvatuva ni kadi yalodina ena gauna totolo me curu kina mataveilawa ni vale ni volavola.