Na dredre namaki
- Ko ira na tamata cakacaka kei/se dau ni konitaraki era vakayagataka na ilavo ni kabani me baleta na tamata yadua. Kena ivakaraitaki:
- Na iyaya otataki ni tamata yadua.
- Otataki sivia na iyaya baleta na dau volivoli e saumi ena ilavo me cakava.
- Na saumi ni veiqaravi ka sega ni caka me baleta na sausaumi ca.
- Veitalanoa ni toso cake sivia ni isau me baleta na sausaumi ca.
- Na dau lawaki e vakarautaka e dua na akaude ni veiqaravi ena yaca ni nomu kabani ka ciqoma na ota eso me baleta na iyaya era sega ni volia.
- Na dau lawaki e butakoca na nomu mataveilawa me vagolea kina na ota ki na nodra kato ni itukutuku.
- Na dau lawaki e vakalecaleca tu me vaka ni okoya na dairekita ni kabani, qai veisautaka na rejisita vakaivola ni tikotiko ni dairekita kei na bisinisi.
- iVola itukutuku ni kabani, yaca ni tamata cakacaka, itukutuku ni baqe kei na itukutuku bibi tale eso era butakoci mai vei ira na tamata era vakararai ena kava ni benu.
- Na iyaya e otataki ena lawakicataki ni itukutuku matailalai se e na kadi ni dinau butakoci.
- Na sausaumi lesu mai kina kadi ni sausaumi ena nona lasutaka na kasitama ni iyaya era a sega veiganiti kei na inaki, se sega ni sa ciqomi.
- Ni veisautaki ni iyaya kei na kena e vakamatavulo ena gauna e mai vakasotari kina na ivola.
- Na imeli livaliva lawakica, talevoni lawakica kei na veika tale eso ni veilawakitaki me rawa ni vakauqeti iko se itokani mo vakaraitaka na itukutuku taqomaki me rawa ni vakayacori kina na ilawaki.
- Na nomu gaunisala ni mataveilawa sa vagolei sara ki na dua na vanua ka lawakitaki ka via tautauvata ga kei na kena itikotiko (me kena ivakaraitaki, ena dua na cala ni tuvai vosa lailai ga).
- Na itukutuku ni ID, na vosanicuru kei na itukutuku vakaitaukei e butakoci ena lawaki mai vei ira na dau ni konitaraki kei na dau ni cakacaka.
Taqomaka na nomu isoqosoqo
- Raica vakawasoma na nomu akaude ni baqe kei na itukutuku ni vola yaca ke yaco kina eso na duidui.
- Na itukutuku ni baqe me vakasotari kei na itukutuku ni kadi ni dinau me dau raici vakamatailalai ena veigauna.
- Vakayaloqaqataki ira na tamata cakacaka, kasitama, dau volivolitaki kei na itokani ni bisinisi me ra ripotetaka e dua na ka matalia.
- Mo yadrava tiko na ivola ni iyaca ni tabana lalai vou e via tautauvata kei na nomu. Vakasamataka na rejisita ni cala lalai ni tuvai ni vosa kei na veiveisau ni yaca ni nomu kabani.
- Basuraki na pepa ni bera ni biu tani.
- Vakarautaka na idusidusi kei na iwalewale baleti ira e rawa ni ra ota ena vuku ni kabani. Vakayagataka e dua na ivakarau ni kena otataki na veika.
- Taura cake na idusidusi, ka vakasamataka na dikevi vakavinaka ni tamata cakacaka vou kei na dau ni konitaraki.
- Vakayacora na raici ni nodra bula vakailavo na kasitama vou ka raica na nodra itukutuku ni veitaratara me vakadeitaki ni dina.
- Sauma vakatotolo na kerekere ni sausaumi lesu ni kadi ni sausaumi.
- Vakarautaka na iyalayala tudei ni dinau vinaka
- Vakarautaka na iyalayala ni ilavo tauri, vakadewataki kei na sausaumi mai na akaude ni baqe. Vakasamataka mo vakarautaka me rua na lewa me baleta na ilavo tauri, ilavo soli, vakadewataki kei na sausaumi, ena sala vata ga koya ko rawa ni cakava me rua na dau sainitaka na jieke(cheques).
- Me baleti ira na kasitama tawakilai ka sega na kedra itukutuku makawa, raica na sausaumi me vagalalataki ni bera ni soli na iyaya se veiqaravi.
- Cakava na raici ni nodra bula vakailavo na dau volivolitaki vou kei na itokani, ka raica na nodra itukutuku ni veitaratara me vakadeitaki ni dina.
- Ni caka na volivolitaki ena initaneti, vakadeitaka vei ira na kasitama vou ena nodra vakayagataka na veivakadeitaki me vaka na, iTikotiko ni Veiqaravi ni Veivakadeitaki(Address Verification Service), se Vakadeitaki mai na Visa(Verified by Visa)/MasterCard SecureCode. E tiko e vica na dausoli-ka vakabisinisi ni iwali ni veivakadeitaki
- Raica me sa dei vinaka tu na nomu taqomaki ni komupiuta okati kina na vakavoutaki ni antivirus/antispyware kei na lalagabuka ena initaneti, ka vakavoui e veigauna kei na kena vakayagataki na vosanicuru kaukauwa kei na vosanicuru vakaitaukei. Oqo ena itataqomaki mai vei ira e vuqa na veivakarerei ena initaneti.
Kevaka e coko na nomu isoqosoqo e dua na ilawaki se sasaga ni ilawaki
- Ripotetaka vei ira na ovisa.
- Taura vakatotolo na veikalawa me vakalailaitaka na veivakacacani, kevaka ko nanuma ni tiko na ivurevure ni ilawaki e loma se tiko e taudaku.
- Kevaka e lawakicataki na nomu akaude ni baqe, veitaratara vakatotolo ki na nomu baqe