Na dredre namaki
- Vakakasauri ga na curu ni virasi ki na nomu komupiuta se kivei ira na nomui komupiuta ni vanua ni veimaliwai – mai na mataveilawa kei na parokaramu ni veiwasei ena binibini vola vakacakacaka.
- Na vakarautaki ni vakaraici vuni ivakatakilakila me rawa kina ni basu lawa lawaki mera kila na itukutuku taqomaki me baleta na kena rawati na veika vakailavo se ivakatakilakila butako.
- Vakuwai ira na dau cakava na parokaramu ni komupiuta kei na dau vakatasuasua ena nodra rawa ilavo.
- Basuka na lawa ni dodonu ni lavelavetaki. E dina ga ni rawa ni lavetaki na parokaramu ni komupiuta, ivakatagi, na iyaloyalo yavala e rawa ni veitemaki, e sega ni dododnu vakalawa me tauri vakaukauwa na veika e kovuti ena dodonu ni lavelavetaki.
- Ni ko curu basuka vakaveitalia na vakayagataki tiko ni parokaramu ni veiwasei ni binibini ivola vakaitokani.
- Lavetaki na veika e sega ni vakalawa se virasi vakamatavulotaki me vaka e dua tale na ka.
- Vakarautaka vakasauri eso na ikuri ni parokaramu ka na rawa kina na veivakacudrui kei na lako mai ni kacikacivaki tabaki.
Lavelavetaki taqomaki
- Vakadeitaka ni sa vakayacori ka vakadodonutaki na parokaramu ni tataqomaki ni initaneti kei na tarovi ni curucuru vakaveitalia ni bera ni vakayacori e dua na lavelavetaki.
- Lavetaka na binibini vola dau dredre na kena lavetaki [executable (.exe) ena qaqarauni vakaitamera.
- Oqo na binibini ivola era vakayagataki ena parokaramu me cicivaki kina na nomu komupiuta.
- Ia, era dau vakayagataki wasoma me ra kauta mai na virasi.
- Vakayagataka na mataveilawa nuitaki ni lavelavetaki mai na parokaramu e baleta na itokani kina itokani (peer to peer).
- Dau qarauna na lavetaki ni dua na ka, me vaka ni ra rawa ni vakatoka na tamata me nodra ibinibini vola e dua na ka era taleitaka. E dua na ka e rairai tasia mai na dua na iyaloyalo vou e rawa ni iyaloyalo ca ni tamata luvaiwale se dua na ibinibini vola ka tiko kina na virasi.
- Lavetaka walega na ivakatagi mai na veivanua saumi me vaka na iTunes, Google qito se mataveilawa vakabauti mai vei ira na volivolitaki umauma.
Veiwasei ni ibinibini vola e taqomaki ena kedra maliwa na itokani.
- Kevaka mo na vakayagataka na parokaramu vakomupiuta ni veiwasei binibini ivola ena nomu bisinisi, raica mo digitaka vakavinaka na parokaramu ni komupiuta, ka vakacuruma vakavinaka ka vakayagataka vakadodonu.
- Vakacuruma na parokaramu ni veiwasei binibini ivola kevaka e tiko edua na nomu itataqomaki ena initaneti ka vakavoui ka gugumatua talega ena kena taqomaka na komupiuta mai na veibasuraki ni parokaramu.
- Vakasamataka mo sauma e dua na kena iloloma lailai me baleta na parokaramu e sega ni vakailavotaki mai na kacivaki, me vakalailaitaka na kena sa vakacurumi na ikuri ni parokaramu ni komupiuta
- Lavetaka walega na parokaramu mai na kabani ka bulia se vei ira na dau volivolitaki umauma vakadonui.
- Kakua ni vakatarai ira na tamata me ra rai vakadodonu kina nomu binibini ivola, ka tuvana vakavinaka na parokaramu me rawa ni ko wasea ga na binibini ivola ko vinakata ka maroroya na kena vo ni nomu binibini ivola kei na itukutuku maroroi. Oqo e tarova na nodra sega ni dau vakila vinaka na wasei ni itukutuku vei ira na vulagi.
- Kakua ni wasea na itukutuku e vauci tiko ena dodonu ni lavelavetaki.
E rawa ni kunei eso tale na itukutuku me baleta na butakoci ni dodonu ni lavelavetaki ena veika oqo:
FAST: Federation Against Software Theft: UK site (Soqosoqo ni Saqati na Butakoci ni Parokaramu ni komupiuta: Vanua ko UK)
Fact: Federation Against Copyright Theft: UK site. (Soqosoqo ni Saqati ni Butakoci ni Lavelavetaki: Vanua ko UK)
IFPI: International Federation of the Phonographic industry.