VAKAILESILESI LIU vakalecaleca lawaki

Na VAKAILESILESI LIU vakalecaleca lawaki e dau yaco ena gauna e lawakitaki kina e dua na imeli livaliva ka sigemi ni lasutaki lako tiko mai vua na vakailesilesi liu, Ko Manidia Dairekita se dua tale na iVakalesilesi i cake ena dua na isoqosoqo ka vakau ki na timi ni veika vakailavo ka kerea me dua na sausaumi me caka ki na ikatolu ni soqo, se ki vei ira na ivakalesilesi i cake sara. E kilai talega me ‘whaling’ (baleta ni dau taketetaki ira na ‘ika levu’ ka duidui mai na ‘phishing’, ka dau taketetaki e dua na iwiliwili levu ni ika lalai). Na isoqosoqo lalai kei na kena lelevu e ra dau taketetaki… ka lutu ki na veilawakitaki vakalecaleca me rawata na nona inaki.

Na mataqali imeli livaliva vakaoqo e dau kerea wasoma na sausaumi me vakayacori ga ena siga vata ga ko ya, ena so na gauna e dau vakarautaka e dua na ivakamacala me dina kina na kena gadrevi totolo. E dau ciqomi ena gauna e yali tu kina okoya e ‘vakauta’ mai na vale ni volavola, ka dredre kina vei koya e ciqoma me raica e dina se sega. Me kena ikuri, na dina ni imeli livaliva sai koya ga na kena dina ni yaco mai vua e dua na ivakalesilesi i cake ena isoqosoqo ka rawa ni cakava me vakabauti – ka bibi cake me na vakayacori na sausaumi – mai na dua ga na ‘imeli livaliva lasutaki’.

Na daubutako lawakica e rawa ni rawata na vakalecaleca ena kena voroki na akaude ni imeli livaliva nei vakalesilesi icake, lasutaki na itikotiko dina nei koya e vakauta mai se vakayagataka e dua e tautauvata sara ga, ia e voleka ni sega ni kilai na kena duidui. Na nodra lawakica e rawa talega ni vukei ena kena vakasoqoni vata na itukutuku me baleta na nomu isoqosoqo kei ira na tamata e veiganiti ena iwalewale ni veilawakitaki ni veimaliwai se so tale na iwalewale ni cakacaka lawakica se mai na iwalewale dodonu me vaka na LinkedIn. Ena so na gauna, e dau muria na imeli livaliva e dua na veikacivi mai vei koya e saumi kina, na kena vakarautaki na veika matailalai ni sausaumi.

Na dredre namaki

Na vakabauta ni ko sa cakava tiko na sausaumi vei ira na dau volivolitaki se so tale na ikatolu ni wasewase ka dina, ko sa sauma tiko na dau lawaki ka vakalecaleca tiko ni dua na ivakailesilesi e cake ena nomu isoqosoqo.

Taqomaka nomu bisinisi mai na VAKAILESILESI LIU vakalecaleca lawaki

Mo taqomaka na kerekere ni sausaumi e sega ni namaki se vagauna, se cava ga na kena iwiliwili.
Dau veitaratara tikoga kei na tamata ko vakabauta ni vakauta na imeli livaliva, se vakalesilesi i cake se osooso, ni sa mai vei ira. Kevaka era sega ni tiko ka sa kerei na imeli me totolo, raica vata kei na dua na nodra itokani vakacakacaka i cake.
Kakua ni cakava na ka oqo ena imeli livaliva me vaka e rawa ni voroki lawaki na nodra akaude. Ia, mo qiri ena talevoni, taroga vua e dua se vakayagataka eso tale na iwalewale ni veitaratara nuitaki.
Kevaka ko vakatitiqa, kakua ni cakava na sausaumi, se vakacava sara na kena irairai se cava ga na kena icavacava e vakaturi tiko.

Kevaka e coko na nomu isoqosoqo e dua ka tovolea dina me lawakica

Ripotetaka vei ira na ovisa.
Taura vakatotolo na ikalawa me vakalailaitaki na veivakacacani, se na ivurevure ni ilawaki e loma se taudaku.
Kevaka e ilawakitaki na nomu akaude ni baqe, veitaratara vakatotolo ki na nomu baqe.